<h1 style="text-align: center;">لێكۆلینەک: ڤەخوارنا هەر رێژەكا کحولی مەترسیا 10 جۆرێن پەنجەشێرێ زێدە دکەت</h1> <h1 style="text-align: center;">لێكۆلینەکا نوو یا شیکاری دیاردکەت، کو ڤەخوارنا هەر رێژەكا کحولی ئەگەرێ تووشبوونێ ب 10 جۆرێن جودایێن پەنجەشێرێ زێدە دکەت، کو مەترسیدارترین ژی د ناڤدانە. ڕێکخراوا ساخلەمیا جیهانی (WHO) ل سەر کحولی دبێژیت: چ رێژەكا کحولی یا بێ مەترسی نینە، ڤەكۆلەرێن زانکۆیا واشنتۆن ل ئەمریکا شیکاری بۆ داتایێن 843 لێكۆلینێن بەڕێ د دەمێ 60 سالان دا کرینە و بۆ وان دیار بوویە؛ کحول زێدەباری پەنجەشێرێ، پەیوەندی ب زێدەبوونا چەندین نەخۆشیێن درێژخایێن یێن دیتر ڤە ژی هەیە. ئەڤ لێكۆلینە د گۆڤارا Nature Health دا هاتیە بەلاڤکرن و د. ئیمانۆێلا گاکیدۆ، سەرپەرشتیا لێكۆلینێ دبێژیت: ب تنێ ڤەخوارنا ئێک پێکێ کحولی ژی، ئەگەرێ تووشبوونێ ب پەنجەشێرێ و چەندین نەخۆشیان زێدە دکەت، دیارە لدووڤ زێدەبوونا رێژێ مەترسی ژی مەزنتر لێ دهێت. وی تیمێ زانکۆیا واشنتۆن ئەو چەندە ڕەتکر کو دگۆت، ڤەخوارنا کحولی ب رێژەكا ناڤنجی یا بێ مەترسیە، بەلێ د هەمان دەم دا دیاردکەن کو مەترسی لدووڤ عەمری و بارێ ساخلەمیا کەسان دگوهۆریت، ڕاستە هندەک ژ لێکەفتان ڕەنگە زوو دیارنەبن، بەلێ د دەمێ درێژ دا دێ دەرکەڤن و بنە ئەگەرێ نەڕێکی و نەخۆشیان.</h1> <h1 style="text-align: center;">ئەو پەنجەشێرێن د لێكۆلینێ دا دیار بووین کو کحول ئەگەرێ سەرەکییە بۆ وان: پەنجەشێرا حەفكێ پەنجەشێرا قۆلۆن و ڕیخۆلا ڕاست پەنجەشێرا سوورینچکی پەنجەشێرا مەمکی پەنجەشێرا جەگەرێ پەنجەشێرا پەنکریاسی پەنجەشێرا پڕۆستاتی پەنجەشێرێن دیتر</h1>
