هێزێن ئێمناهی یێن توركیا د ئۆپه‌راسیۆنه‌كێ دا سه‌ر ب باره‌گه‌هێ هه‌ده‌پێ دا ل ناڤچه‌یا ئه‌سه‌نیورت ل سته‌نبوولێ داگرت و 6 ده‌مژمێران د بن ڤه‌كۆلینان دا بوو.
ل دیڤ راگه‌هاندنا میدیایێن توركیا، تیمێن باژێرڤانیا ئه‌سه‌نیورت بۆ ره‌شاندنێ د چارچۆڤێ به‌رهنگاربونا كۆرونایێ چۆینه د ناڤا باره‌گه‌هی دا، پاشان وێنه و پۆسته‌رێن عه‌بدو‌لا ئۆجه‌لان، رێبه‌رێ زیندانكرى یێ په‌كه‌كێ ب دیواریڤه هه‌لاویستى دیتن، داخازكه‌رێ گشتى ل ناڤچه‌یێ ده‌ستویریا پشكنینێ ب هێزێن ئه‌منى دا و دوى چارچوڤه‌ی دا ئه‌و ئوپه‌راسیۆن هاته ئه‌نجامدان و تیمێن دژه تیرورا سه‌رب رێڤه‌به‌رییا پۆلیسێن سته‌نبوولێ ب هه‌ڤپشكی دگه‌ل تیمێن هێزێن تایبه‌ت ب سه‌ر باره‌گه‌هی دا گرت.
پشتى شه‌ش ده‌مژمێرا ژ پشكنینان ئۆپه‌راسیۆن ب دویماهی هات و ده‌ست ب سه‌ر وان كه‌ل و په‌لان داگرت ب مه‌ره‌ما پشكنینێ ره‌وانه‌ی رێڤه‌به‌رییا ئاسایشێ كرن.
