ئەڤڕۆ دوشەمبی 2026/7/20، نێچیرڤان بارزانی، سەرۆکێ هەرێما کوردستانێ، ب هەلکەفتا ب دووماهی هاتنا ئەرکێ وی، پێشوازی ل ئەندرۆ بیزلی، کونسولێ گشتییێ بریتانیا ل هەرێما کوردستانێ کر.
سەرۆکێ هەرێما کوردستانێ سوپاسییا کونسولێ گشتییێ بریتانیا کر بۆ کار و بزاڤێن وی د ماوێ ئەرکێ وی دا و پێشڤەبرنا پەیوەندییێن د ناڤبەرا بریتانیا و هەرێما کوردستانێ دا، هەروەسا هیڤییا سەرکەفتنێ د ئەرکێ وی یێ نوو دا بۆ خواست.
کونسولێ گشتییێ بریتانیا سوپاسی و پێزانینێن خۆ ئاراستەیی نێچیرڤان بارزانی و لایەنێن پەیوەندیدار یێن هەرێما کوردستانێ کرن کو هاریکار و پشتەڤان بوون بۆ سەرخستنا ئەرکێ وی.
