جڤاتا نوونه‌رێن ئیراقێ ل رۆژا سێشه‌مبیێ ل سه‌ر چه‌ندین بڕگه‌یان كۆمبیت.
بڕیاره جڤاتا نوونه‌رێن ئیراقێ ل سێشه‌مبیا بهێت كۆمبوونا خوه یا ئاسای یا ژماره 37 یا وه‌رزێ ئێكێ یێ یاسادانانێ گرێده‌ت و ل سه‌ر چه‌ندین بڕگه‌یان كۆمبیت، ل گۆر كارنامه‌یا روونشتنێ ژی كۆمبوون دێ ل سات 3 یێ ئێڤاری بیت و بڕگه‌یا 1 یا روونشتنێ دێ ده‌نگی ل سه‌ر پرۆژه‌یاسایا هه‌موارا دوێ یا یاسایه‌كا تایبه‌ت ب نۆشدارییا ڤێتێرنه‌ری ده‌ت.
بڕگه‌یا 2 ژی دێ ده‌نگی ل سه‌ر پێشنیازا یاسایا هه‌موارا سێیێ یا یاسایا سه‌ندیكا ژمێریار و وردبینان ده‌ت، هه‌روه‌سا بڕگه‌یا 3 ژی تایبه‌ته ب ته‌مامكرنا خواندنا ئێكێ بۆ پرۆژه‌قانوونا بیمه‌یا كۆمه‌لایه‌تی و خانه‌نشینكرنا كرێكاران.
بڕگه‌یا 4 ژی پێكهاتییه ژ ئاراسته‌كرنا پرسیاره‌كا زاره‌كی بۆ سه‌رۆكێ ده‌زگه‌هێ زیندانیێن سیاسی.
