بۆ جارا ئێكێ ل مۆسكۆ كوردەك دبیتە بەربژارێ پەرلەمانێ ڕووسیا

یووری نەبیێڤ، پارێزەرێ ب ڕەگەز كورد یێ ناسكری ل مۆسكۆ و ئەندامێ پارتیا (رووسیایا دادپەروەر بۆ ڕاستی)، بۆ هەلبژارتنێن بهێت یێن پەرلەمانێ فیدڕاڵی یێ ڕووسیا بەربژارە.
پارێزەر یووری شامیلەڤیچ نەبیێڤ، ژ لایێ پارتیا دادپەروەر ڤە بۆ هەلبژارتنا ئەڤ سالە یا جڤاتا دۆما، پەرلەمانێ ڕووسیا هاتە بەربژاركرن.
بەری نوکە جڤاتا دۆما ئەندامێن ب ڕەگەز كورد هەبووینە، بەلێ ئەڤە جارا ئێكێ یە كوردەك ل بازنێ مۆسكۆ بهێتە بەربژاركرن.
یووری نەبیێڤ، كورێ چالاكڤانێ وەغەركری یێ دیار یێ كورد، یووری نەبیێڤە، كو ئێك بوو ژ دامەزرێنەرێن کۆمەلێن کوردی ل وەلاتێن ئێکەتییا سۆڤیەتا بەری نوکە و ڕووسیا.
پارێزەر یووری نەبیێڤ، د ژییێ 45 سالییێ دایە و ب ڕەگەز كوردەك ئێزدییە.
کۆمیسیۆنا بلندا هەلبژارتنێن ڕووسیا بریار دایە هەلبژارتنێن پەرلەمانی ژ 18 هەتا 20ـی ئیلۆنا 2026 بهێنە كرن، د ڤێ هەلبژارتنێ دا 450 ئەندام بۆ خولا نوو یا پەرلەمانی دێ هێنە هەلبژارتن، پارتیا ڕووسیایا دادپەروەر لیستەکا پڕ ژ بەربژاران ئامادە كرییە و ناڤێ نەبیێڤی ژی د ناڤ وان ناڤان دا دهێتە دیتن.
یووری نەبیێڤ ئێكە ژ کەساتیێن دیار یێن مۆسكۆ و د ناڤ كورد و خەلکێ باژێریدا یێ ناسکرییە، لەوما ب بەربژارەكێ بهێز دهێتە هژمارتن.”