د. ڤیان سلێمان، هاریکارا بەرپرسێ مەکتەبا رێکخستنا پارتی ل بەهدینان ل دۆر ڕۆژا دامەزراندنا ئاژانسا خانی گۆت، “دێرۆکەکا کورت بەلێ خزمەتەکا زۆر و پەیامەکا جوان و پر بەرپرسایەتی دگەهینیت”
“گەهاندنا نووچەیەکێ خۆش و نووچەیێن نەخۆش ب شێوازەکێ پرۆفێشینال، و بەرچاڤ وەرگرتنا بارودۆخی، بەرچاڤوەرگرتنا لایەنێ دەروونی یێ وەلاتیان و کارەکێ ب بەرپرسایەتی ڤە.
د. ڤیان گۆتژی، “ئەڤە ئەو سیمایەنە ئاژانسا خانی د تەمەنێ خۆ یێ کورت یێ پێنج سالییێ دا نیشان دان. و شیایە جەماوەرێ کوردستانێ ب خۆ ڤە گڕێدەت، ب تایبەتی ل دەڤەرا بەهدینان ل پارێزگەها دهۆکێ و ئیدارەیا سەربەخۆ یا زاخۆ.
پێنج سالیا ساڵڕۆژا دامەزراندنا ئاژانسا خانی ل هەمیان پیرۆز دکەین؛ ل بەرپرس، کارمەند و هەمی کادرێن د هەمی بەشێن ئاژانسا خانی و ناڤەندا خانی یا ڕوشەنبیری و راگەهاندنێ دا و هیڤیدارین ل سەر ڤی دەستووری، ل سەر ڤێ پرۆفێشینالییێ و ل سەر ڤان بنەمایێن جوانێن کارێ پیشەیی یێ ڕۆژنامەڤانییێ بەردەوام بن.
