وەزارەتا پێشمەرگەیی: ب توندی هێرشا  سەر نڤێسینگەها مەسرور بارزانی شەرمزار دكەین

وەزارەتا پێشمەرگەیی: ب توندی هێرشا  سەر نڤێسینگەها مەسرور بارزانی شەرمزار دكەین

وەزارەتا پێشمەرگەیی يا حکومەتا هەرێما کوردستانێ ڕاگەهاند، هەرێما کوردستانێ هەردەم پشكەك بوویە ژ چارەسەریێ و بزاڤ کريیە هەمی ئاریشە ب ڕێیا ئاخڤتن و دانوستاندنێ بهێنە ئێکلاکرن، و ئەڤ دەستدرێژییە بۆ تێکدانا ئاسایش و سەقامگیریا کوردستانێ و دەڤەرێ یا مەترسیدارە.

ئەڤرۆ دووشەمبی، 17ێ ئابا 2026ێ، وەزارەتا پێشمەرگەیی يا حکومەتا هەرێما کوردستانێ د ڕاگەهاندنەكێ دا دیار کر، ب توندی ئیدانا وێ هێرشا درۆنی دکەین ئەوا سپێدەهیا ڕۆژا دووشەمبی، 17ێ ئابا 2026ێ، ژ سنوورێ ئیرانێ ڤە هاتییە كرن بۆ سەر نڤێسينگەها مەسرور بارزانی سەرۆکێ حکومەتا هەرێما کوردستانێ و جهێ مانا ڕێڤەبەرێ ئاژانسا پاراستنێ لە پیرمام.

وەزارەتا پێشمەرگەیی ڕاگەهانديیە، ئەڤ دەستدرێژیا نەڕەوا پێشێلکاریەکا دیار يا سەروەریا ئاخا هەرێما کوردستانێ و عێراقێ یە، هەروەسا ئارمانجگرتنا پێگەهێن دەستووری و یاساییە و پێشێلکرنا سەروەریێ یە.

هەروەسا دووپات کر، هەرێما کوردستانێ هەردەم پشكەك بوویە ژ چارەسەریێ و بزاڤ کريیە هەمی ئاریشە ب ڕێیا ئاخڤتن ودانوستاندنێ بهێنە ئێکلاکرن، و ئەڤ دەستدرێژییە بۆ تێکدانا ئاسایش و سەقامگیریا کوردستانێ و دەڤەرێ یا مەترسیدارە.

وەزارەتا پێشمەرگەیی گۆت ژی، پێدڤيیە هەمی لایەک ڕێزێ ل سەروەریا عێراقێ و سەقامگیری و ئارامیا هەرێما کوردستانێ بگرن.

داخوازێ ژ فەرماندەیێ گشتی یێ هێزێن چەکدارێن عێراقێ دکەت، هەڵویستەکێ جدی هەبیت بۆ ڕاگرتنا ڤان هێرشێن نەڕەوا و ڕێگریکرنێ ژ دووبارەبوونا وان.