مالیکی داخوازیت ئەنجامدەرێن هێرشێ ل گۆرەی یاسایێن بەرکار بهێنە سزادان
سەرۆکێ هەڤپەیمانییا دەولەتا قانوونێ، ب توندی ئیدانەیا هێرشا دوهی یا سەر نڤێسینگەها سەرۆکێ حکومەتا هەرێما کوردستانێ کر و ڕاگەهاند، هەر جۆرە دەستدرێژیەک کو زیانێ ب ئاسایشا هەرێمێ و سەقامگیریا عیراقێ بگەهینیت، ب تەمامی ڕەتکریە و نەقبوولکریە.
سێشەمب، 18ی ئابا 2026، نوری مالکی، سەرۆکێ هەڤپەیمانییا دەولەتا قانوونێ، سەر هەژمارا خۆ یا تۆرێ جڤاکی یا (ئێکس)، هەلویستێ خۆ سەر هێرشا دوهی یا سەر نڤێسینگەها مەسرور بارزانی، سەرۆکێ حکومەتا هەرێما کوردستانێ ڕاگەهاند و ب توندی ئیدانەیا وی کاری کر.
مالیکی ئاماژە ب هندێ کر، “ئەو هێرش و دەستدرێژییا دوهی کریە ل سەر نڤێسینگەها ڕێزدار مەسرور بارزانی، سەرۆکێ حکومەتا هەرێما کوردستانێ، کارەکێ ب تەمامی ڕەتکریە، هەر هێرشەک زیانێ ب ئاسایشا هەرێما کوردستانێ، دامەزراوەیێن فەرمی و سەقامگیریا عیراقێ بگەهینیت، ب هیچ شێوەیەكی ناهێتە قبوولکرن.
سەرۆکێ هەڤپەیمانییا دەولەتا قانوونێ دووپات كر، کار و کریارێن تێکدەرانە ب ڤی ڕەنگی ژلایێ هەر لایەن یان گروپەکێ ڤە هاتبنە ئەنجامدان ڕەتکری نە.
مالیکی داخوازا کر، ئەنجامدەرێن هێرشێ ل گۆرەی یاسایێن بەرکار بهێنە سزادان، ب ڕەنگەکێ کو ببیتە ئەگەرێ پاراستنا ئاسایش، سەروەری و ئێکپارچەییا ئاخا عیراقێ.
