ئەسیل نوجه‌یفی بۆ خانی نیوز: ل سەر دەقیقێ یە ئیراق نەمینیت

ل سەر ئەڤی دەستودارێ ھەیی ئەڤرۆ نە سوبە نەینەوا دێ کەڤیتەڤە
سیاسەتمەدارەکێ سوننە یێ ئیراقی تایبەت راگەھاند، رەوشا ئیراقێ گەلەک خرابە و بەر ب وێرانبوونێ دچیت و ژبەر حوکمرانیا نھا ھەیی پێشبینیا کەفتنا ب ئێکجاری دکەن.
ئەسیل نوجەیفی، پارێزگارێ بەرێ یێ نەینەوا و سیاسەتمەدارێ سوننە تایبەت بۆ خانی نیوز بەحسا رەوشا ئیراقێ ب گشتی و پارێزگەھا نەینەوا بتایبەتی کر و گۆت: گرۆپێن شیعی یێن چەکداری د نھا دا رۆلەکێ خراب ل مووسلێ دگێرن و ھەبوونا وان ترسە ل سەر خەلکێ وێ، ژبەرکو ھەکە ھات و ھێرشەکا وەکو داعشێ روو بدەت و ئەو پێشبینی یا وێ چەندێ دکەن کو ئەو خوە ل خەلکێ نەینەوا ناکەنە خودان و دێ بجھھێلن.

ل دۆر رێیا سەبایان یا کو نوکە شیعە کار ل سەر دکەن نوجەیفی ئاماژ ب وێ یەکێ کر، ئەڤا نھا دھێتە کرن ب تنێ بۆ راکێشانا دلینیا شیعەیان بۆ وان دەڤەران، ئەگەر نە چ بەھانە بۆ ھەبوونا وێ رێکێ نینن ل رۆژھەلات و رۆژئاڤایێ دیجلەی و ھەتا دگەھیتە شنگالێ و ب ئەڤێ چەندێ شیعە یێ بزاڤان دکەن ھەموو دەڤەرێ بێخنە ژێر رکێفا خوە.
نوجەیفی ئەو چەندە ژی دیارکر، رەوشا سونەیێن ئیراقێ د لاوازیێ دایە و ھەکە رێککەفتنێن سیاسی ل گەل لایەکێ شیعی و کوردی یێن کو نەرازی ژ ئەڤێ رەوشا ھەیی نەبن دێ خرابتر لێھێن.

کەساتیێ دیارێ پارێزگەھا نەینەوا ئەسیل نوجەیفی رەوشێ ب مەترسیدار دبینیت و دبێژیت: ل سەر دەقیقێ یە رەوشا ئیراقێ ژ دەست دەرکەڤیت و ئەڤا ھەیی ژی نەمینت، ژبەرکو د ڤێ گاڤێ دا رۆلێ حکومەتێ گەلەکێ لاواز و شەرمینە و ھەموو ئاماژە یێن خرابن نەکو ھیڤی بوونەک تێدا ھەیە، دیسان گۆت: ئێمناھیا دھۆک و مووسل و ھەولێرێ پێکڤە گرێدایە و پێدڤییە ھەماھنگیەکا باش د ناڤبەرا ڤان ھەرسێ پارێزگەھان دا ھەبیت و ھەکە رەوش ل مووسلێ تێکبچیت ئەو وەکو ھەر جار دزانین دێ دھۆک و ھەولێر سیڤاندەیێن ئێمن بن بوو خەلکێ وێ پارێزگەھێ.

تایبه‌ت، خانى نیوز