لژنا ئێمناهی و به‌رگریێ ل جڤاتا نوونه‌ران راگه‌هاند؛ هێزێن ئێمناهیێ شییان وی كه‌سێ خوه‌كوژێن په‌قینێن به‌غدا گه‌هاندین گۆرپانا ته‌یه‌ران ده‌سته‌سه‌ربكه‌ن و 60 داعشی كو ژ توركیا ڤه دهاتن ده‌سته‌سه‌ركرن.
به‌در زیادی، ئه‌ندامێ لژنا ئێمناهیێ بۆ مه‌دیایێن ئیراقی راگه‌هاند؛ هێزێن ئێمناهیێ شیان وی كه‌سێ هه‌ردو خوه‌كوژێن په‌قینا به‌غدا گه‌هاندینه گۆره‌پانا ته‌یه‌ران ده‌سته‌سه‌ربكه‌ن، وی تۆمه‌تباری خوه‌كوژ ژ ناڤچه‌یا یوسفیه گه‌هاندبوونه جهێ په‌قینان كو بۆ چه‌ندین مه‌هان پلان ل سه‌ر وێ خوه‌كوژیێ هاتبوو دانان و بڕیاربوو په‌قینه‌كا دی ژی ل ناڤچه‌یا كرخ بكه‌ن و گۆت ژی: د دو رۆژێن داهاتی دا دێ هوركاتیێن زێده‌تر و ب مه‌ترسی ل دۆر روودانێ به‌لاڤكه‌ن.
به‌در زیادی خویا ژی كر، هێزێن ئێمناهیێ 60 تیرۆریستێن داعشێ كو ژ توركیا ڤه دهاتن ده‌سته‌سه‌ركرینه و بزاڤێن پتری 600 هێرشێن تیرۆری دكرن.
