ئەڤرۆ رۆژا پێنچشەمبی ٢٨-١-٢٠٢١ مەسرور بارزانی سەرۆکێ حکومەتا ھەرێما کوردستانێ پێشوازی ل ماتیۆ تۆلەر بالیۆزێ ئەمریکا ل ئیراقێ و رۆب واله‌ر كونسولێ گشتیێ ئه‌مریكا ل هه‌ولێرێ کر. د دیدارێ دا رەوشا ئیراقێ و پێشخستنا پەیوەندیێن ھەرێما کوردستانێ و ئەمریکا ھاتە گەنگەشەکرن.
ھەر د کۆمبوونێ دا سەرۆکێ حکومەتێ ئاماژە ب ھندێ کر کو جھێ خۆشحالیێ یە رێڤەبەرییا نوو یا ئەمریکا شارەزا و ئاگەھدارێ رەوشا ئیراقێ و ھەرێما کوردستانێ یە، و ئەو بەرھەڤن ژ بۆ کاکرنێ و ھەماھەنگیێ ژ بۆ بھێزکرنا پەیوەندیێن وان ل گەل ئەمریکایێ.
هه‌روه‌سا ئاراستەیا دانوستاندنێن ھەرێما کوردستانێ و حکومەتا فیدرال و ھەلبژارتنێن بھێت یێن ئیراقێ و گرنگییا بەردەوامبوونا ھەماھەنگییێ ژ بۆ رووبرووبوونا گەفێن داعشێ و لێکەفتێن وێ و ئاریشەیێن ئابوری و سیاسی بەشەکێ دی یێ دیدارا سەرۆکێ حکومەتێ و شاندێ مێھڤان بوون.
