ل گۆری ڤیدیۆیەکێ کو بۆ خانی نیوز هاتییە هنارتن کەسەکێ ئاسێبووى ل چیایێ گارە داخوازێ دکەت ب هەوارا من بچن چونکى ئەوەى دەمژێر ٣ێ ئێڤارى ئەو ل چیایێ گارەى ئاسێ ماینە، هەمان کەس ڤیدیۆیێ دا وان ترۆمبێلان نیشان ددەت کو ئاسێ ماینە و گەلەک ژ وان خێزانن و ژن و زارۆک دگەل وان دانە.
ل سەر ڤێ یەکێ بیوار عەبدوالعزیزی پەیڤدارێ بەرەڤانییا باژێرێ دهۆکێ بۆ خانی نیوز گوت: هژمارەکا وەلاتییان ل چیایێ گارە ئاسێ مانە و تیمێن بەڕەڤانییا باژێری و تیمێن رامالینا بەفرێ و هێزێن پۆلیسان نها ل چیایێ گارەنە بۆ رزگارکرنا وان.
گوت ژی: وەلاتیێن ئاسێ بووى نێزیکی بیست کەسانە و چەند خێزانەکن ل دەمەکێ نێزیک دێ هێنە رزگارکرن.
خانى نیوز، عەبدوللا عەلى
