خانی نیوز:
یاریێن وەرزێ نوو یێن خولا یانێن نایابێن کوردستانێ بۆ دهمێ حەفتیهكێ هاتنه پاشخستن.
یاریێن وەرزێ دوهزار و بیست و دوهزار و بیست و ئێك یێن خولا یانێن نایابێن کوردستانێ بۆ دهمێ حەفتیەکێ هاتنه پاشخستن، د دهمهكێ دا بریاربوو رۆژا بیست و شهشى ڤێ ههیڤێ یارى بهێنه كرن.
ئهگهرێ پاشخستنا خولێ ژى ئهوه، ههتا نوكه یانەیان لیستا یاریزانێن خوه نەداینە ئێكهتیا تهپا پێ یا کوردستانێ، لهوما نهشێن یاریان بكهن.
ژ ئهگهرێ ڤایرۆسێ كۆرۆنایێ وەرزێ بوورى یێ خولا کوردستانێ هاتبوو ههلوهشاندن، ب ڤێ چهندێ قارهمانا خولێ نههاته دیار كرن و چ یانە بۆ خولا پلە ئێک دانهكهفتن.
یانێن پشكدار د ڤێ خولێ دا، ل سهر دو كۆمان هاتینه بهلاڤ كرن، هندهك یانهیان درەنگ دەست ب ئامادەکاریان کریه، یانا زێرەڤانی قارهمانا چار وەرزێن بوورى یێن ڤێ خولێ ژى بریاردایە پشكداریێ د ڤێ خولێ دا نهكهت.
خولا نایابا کوردستانێ هاته پاشخستن
