خانی نیوز:
وهلاتێ ئیتالیا د تۆماركرنا حالهتێن تووشبوونێ ب ڤایروسێ كۆرۆنا نمرا پیڤاى تۆماركر و د رۆژهكێ دا سیهـ و دو هزار كهس تووشى وى ڤایرۆسى بووینه.
ل گۆرهى ئاگاهیێن وهزارهتا ساخلهمیا ئیتالیا، جارهكا دى وهلاتێ وان بلندترین رێژا تووشبوونێ ب ڤایرۆسێ كۆرۆنایێ تۆماركر و د رۆژهكێ دا نێزیكى 32 هزار كهس تووش بوون و نێزیكى سێسهد كهسان د بیست وچار سهعهتان دا گیانێ خوه ژ دهست دا.
وهزارهتا ساخلهمیا یا ئیتالیا راگههاند، ژ ههر حهفت كهسان یێن پشكنینا كۆرۆنایێ بۆ هاتییه كرن ئێك تووشى ڤایرۆسى بوویه.
ژ ئالییهكێ دى ڤه جۆسییێ كۆنتى، سهرۆك وهزیرێن ئیتالیا راگههاند، گۆتۆبێژان ل دۆر تووندتركرنا رێكارێن كۆنترۆلكرنا كۆرۆنایێ دكهن، ژلایهكێ دى ژى ڤه خهلك ژ توندكرنا رێكاران رازى نینن و ل رۆما خوهنیشاندان ژ بهر وێ یهكێ هاتنه كرن.
ههتا نها شهشسهد و ههشتێ هزار كهس ل ئیتالیا تووشى كۆرۆنایێ بووینه، سیهـ و ههشت هزار و شهشسهد و ههژده كهسان ژى ب ڤایرۆسى گیانێ خۆه ژ دهست دایه.
د 24 سهعهتان دا 32 هزار كهس ل ئیتالیا تووشى كۆرۆنایێ بوون
