خانی نيوز:
لیژنا دارایى ل په‌رله‌مانێ عیراقێ راگه‌هاند، ئه‌و حێبه‌تى ماینه كو حكومه‌ت نه‌شێت موچه‌یێن فه‌رمانبه‌ران دابینبكه‌ت و داخوازا ده‌ربازكرنا پرۆژه‌یاسایا قه‌ران ژى كر.
جه‌مال كوچه‌ر، ئه‌ندامێ لیژنا دارایى ل جڤاتا نوونه‌رێن عیراقێ د داخویانیه‌كا رۆژنامه‌ڤانی دا راگه‌هاند، پێدڤیه حكومه‌ت مووچێ فه‌رمانبه‌ران خه‌رج بكه‌ت و چه‌ندین رێ ل به‌رده‌ست هه‌نه بۆ دابینكرنا مووچه‌ى.
جه‌مال كوچه‌ر ئاشكرا كر، خه‌رج نه‌كرنا مووچه‌ى راسته‌وخۆ دێ كارتێكرنێ ل سه‌ر شه‌ش ملیون پێنجسه‌د هزار فه‌رمانبه‌ران كه‌ت، ژبلى خانه‌نشینان و كه‌رتێ تایبه‌ت كو دێ زیان گه‌هیته پازده ملیۆن كه‌سان.
ئاماژه ب وێ یه‌كێ ژى كر، بۆ چاره‌كرنا قه‌یرانان، كۆمبووون د گه‌ل وه‌زاره‌تا دارایى به‌رده‌وامن و رازى نینن سه‌ر چ خه‌رجیان ژبلى خه‌رجیێن مووچه‌ى.
