سهرۆكێ كومسیۆنا ئهورۆپا ب رێیا پهیوهندییهكا تێلهفۆنى سهرۆككۆمارێ توركیا ل سهر بریارا گۆبیتكا ئهورۆپا بۆ توندكرنا سزایان ل سهر توركیا ئاگههدار كر، داخوازا دانوستاندنان ژى ژ ئهنقهره كر.
ژێدهرهكێ دبلۆماسى ژ ئێكهتییا ئهورۆپا ئاشكرا كر، شارل ميشێل ئهنجامێن گۆبیتكا ئێكهتییا ئهورۆپا بۆ رهجهب تهیب ئهردۆغان، سهرۆككۆمارێ توركیا ئاشكرا كرینه و دوپات كرییه كو پێدڤییه ئهنقهر چالاكیێن خوه ل رۆژههلاتێ دهریا ناڤهراست راگریت.
شار میشێل داخواز ژ توركیا ژى كر دوباره دهست ب دانوستاندنان د گهل یۆنانێ بكهت و پرسا قوبرسێ ب چاڤدێریا نهتهوهیێن ئێكگرتى چاره بكهن.
گۆبیتكا ئێكهتییا ئهورۆپا ل رۆژێن بوورى بریارا توندكرنا سزایان ل سهر توركیا دا، ژبهر كار و چالاكیێن ئهنقهره ل رۆژههلاتێ دهریا ناڤهراست، لێ ئهو سزا تا مهها ئادارا بهێت پاشخستن و دهلیڤه تا وى دهمى دایه توركیا ههلویستێ خوه ل دۆر لێگهریانا ژێدهرێن وزێ ل رۆژههلاتێ دهریا ناڤهراست بگوهۆریت و ئاریشێن خوه د گهل یۆنانێ چاره بكهت.
