رێكخستنا مافێن مرۆڤى هیومن رایتس ووچ راگههاند، حكومهتا مستهفا كازمى ب تنێ گۆتنان دبێژیت و سۆزێن خوه ب جهـ نائینیت.
هیومن رایتس ووچ د ڤهكۆلینهكێ دا راگههاند، سۆزێن حكومهتا دهمكى یا ئیراقێ ب سهرۆكاتییا مستهفا كازمى بۆ پرسێن گرێدایى مافێن مرۆڤى ب تنێ گۆتنان دكهت و پتریا وان بجهنائینیت.
بهلقیس والى، ڤهكۆلهرا تایبهتا هیومن رایتس ووچ بۆ كاروبارێن ئیراقێ د داخویانییهكێ دا راگههاند، ژ سالا دوهزار و شازدێ و تا نها چاڤدێریا رهوشا ئیراقێ دكهن، تا نها ژى پرسا بێ سهروشوونبوونا خهلكێ ئیراقێ بابهتێ سهرهكیێ ڤهكۆلینا وان بوویه، ئهو دیارده ژى تا نها ب شێوهیهكێ بهربهلاڤ بهردهوامه.
بهلقیس والى گۆت ژى: ئهو دلخۆش بوون دهمێ مستهفا كازمى سۆز داى ڤهكۆلینێ د پرسا بێ سهروشوونبوویان دا بكهت، لێ پشتى حهفت مههان وهسا دیار بوو حكومهتا وى چ گاڤ د وى وارى دا نههاڤێتینه و سۆزێن وى ب تنێ گۆتن بوون.
