جڤاتا وەزیرێن ئیراقێ‌ ل دۆر پرۆژه‌قانوونا بۆدجا 2021 كۆم بوو

جڤاتا وەزیرێن ئیراقێ‌ ئه‌ڤرۆ رۆژا شه‌مبی ب سەرۆكاتیا مستەفا كازمی كۆم بوو و پرۆژه‌قانوونا‌ بودجا سالا 2021 گۆتوبێژكر.
ئۆفیسا راگەهاندنا جڤاتا وەزیرێن ئیراقێ‌ د به‌یانه‌كێ دا ئاشكرا كریه‌، جڤاتا وەزیران كۆمبوونەكا نەئاسایی ب سەرۆكاتیا مستەفا كازمی كر و د وێ كۆمبوونێ دا پرۆژه‌قانوونا‌ بودجا سالا 2021 یێ‌ ئیراقێ‌ گەنگەشەكر.

هه‌تا نها پرۆژه‌قانوونا بودجا ئیراقێ رازیبوون ل سه‌ر نه‌هاتییه‌ كرن و هێشتا گوتۆبێژ ل سه‌ر دهێنه‌ كرن و نه‌هاتییه‌ ره‌وانه‌كرن بۆ جڤاتا نوونه‌ران.