ئەڤرۆ چارشەمبی، 11ی ئادارا 2026، مەسرور بارزانی، سەرۆکێ حکومەتا هەرێما کوردستانێ، پێشوازی ل سەلاحەدین بەهائەدین، ئەمیندارێ گشتییێ ئێکگرتوویا ئیسلامیا کوردستانێ کر.
د دیدارەکێ دا، بەحسێ ڕەوشا گشتیا هەرێما کوردستانێ، عێراقێ و دەڤەرێ هاتە كرن، هەردو ئالییان جەخت ل سەر گرنگیا هەڤهەلویستی و ئێکڕێزییا هێز و ئالیێن کوردستانی کر ژ پێخەمەت پاراستنا ئاسایش و ئارامیا هەرێما کوردستانێ و سەقامگیریا دەڤەرێ.
هەروەسا دوپاتکر، کو هەرێما کوردستانێ دێ وەک هەردەم فاکتەرەکێ ئارامی و ئاشتییێ بیت ل دەڤەرێ، د پشکەکا دی یا گۆتوبێژان دا، بەحسێ گرنگییا کاراکرنا پەرلەمانێ کوردستانێ و پێکئینانا کابینا نوو یا حکومەتا هەرێما کوردستانێ هاتە کرن.
