بالیۆزخانا ئەمریکا ل بەغدا هۆشداری دایە وەلاتیێن ئەمریکی ل عێراقێ ل دۆر زێدەبوونا مەترسیێن ئەمنی و داخواز ژێکر کو خۆ ژ وان دەڤەران دویربێخن یێن کو ئەگەر هەیە ببنە ئارمانجا هێرشان.
د ئاگەهداریا ئەڤرۆ چارشەمبی 11/3/2026 یا بالیۆزخانا ئەمریکدا هاتییە: کۆمبوونا ل ئەوان جهێن پەیوەندی ب ئەمریکا ڤە هەیی، یان هەبوونا کۆمەکا وەلاتیێن ئەمریکی ب هەڤڕا، دبیت وان بێخیتە د مەترسییێ دا، چونکی هێشتا ئەمریکی ل عێراقێ رووبروو مەترسییا رەڤاندنێ دبن.
هەروەسا گۆتییە، ئیران و گرۆپێن میلیشیایێن هەڤپەیمانێن وێ، د بەردەوامن ل سەر دروستکرنا گەفێن بەرچاڤ بۆ سەر سلامەتییا گشتی. دیسا هێرشێن پێشتر وەلاتیێن ئەمریکی و بەرژەوەندیێن ئەمریکا ل ناڤخۆیا عێراقێ کرینە ئارمانج.
