خانی نیۆز:
چالاکڤان و سیاستەمدارێ کورد ل رۆژئاڤایێ کوردستانێ سەعدون شێخۆ دووپاتکر، داگیرکەرێن کوردستانێ ھەر دەمەکێ وان بڤێت پارتا کرێکارێن کوردستانێ ( پەکەکە) وەکی بەرکێن دامێ دلڤینن، و پەکەکە د خزمەتا ئهجندایێن داگیرکەرێن دەڤەرێ دا کار دکەت، مەرەم و ئارمانجا وان بتنێ تێکدانا رەوشا ئاسایش و ئێمناھیا ھەرێما کوردستانێ یە.
سەعدون شێخۆی ھەروەسا گۆت: شەھیدکرنا پێشمەرگەکی ل سەر دەستێ چەکدارێن پەکەکێ ژ ئالیێ جادده و ھێزێن سیاسی یێن کوردی و نێڤدەولەتی ڤە ھاتیە شەرمزارکرن، ناڤھاتی ھەروەسا خوەیاکر، توندوتیژی و دەمارگیریا ستراتیژی یا پەکەکێ ل گەل ھێز و لایەنێن کوردستانی یا بەردەوامە، ھەر ژ کەڤندا و ھەتا نوکە و ھەردەم دانوستاندن ژ ئالیێ پەکەکێ ڤە ھاتینە رەتکرن.
