وەزیرێ چاندنا ئێراقێ راگەھاند: کو رێنما بۆ ھەموو بەرھەمھێنەرێن ھێکان دەرکرییە، کو بھایێ ھێکان جێگیر بکەن و بھایێ تەبەقەکا ھێکان ژ پێنج ھزار دیناران زێدەتر نەبیت.
محەممەد خەفاجی، وەزیرێ چاندنا عێراقێ، ئەڤڕۆ دووشەمبی، راگەھاند: ” دگەل چاکسازییێن حکومەتێ و بەرزبوونا بھایێ دولاری بەرامبەری دیناری، داخوازێ ژ ھەموو بەرھەمھێنەرێن ھێکان دکەم کو بھایێ ھێکان جێگیربکەن.
محەممەد خەفاجی دیارکر ژی: ھەموو پێکھاتەێن بەرھەمئینانا پەلەوەران گرێدایی بھایێ دولاری نە، ئەوێژی کاریگەرییەکا نەرینی ل سەر بەرھەمھێنەران دبیت، و دگەل ڤێ ژی پێدڤیە بەرھەمھێنەر بھایێ ھێکان جێگیر بکەن و ژ پێنج ھزار دیناران زێدەتر نەبیت.
وەزیرێ چاندنا ئێراقێ سۆز دا کو ئەو دێ دبەردەوام بن ل سەر پاراستنا کەرتێ بەرھەمئینانا پەلەوەران، و دێ بزاڤا کەین کو دانا وزا کارەبێ ب بھایەکێ کێمتر بیت ژ بھایێ فەرمی بەری نوکە بۆ بەرھەمھێنەرێن پەلەوەران.
بەنکا ناڤەندیا ئێراقێ ل دوماھیا حەفتیا چوویی کو بھایێ دینارا ئێراقی بەرامبەری بھایێ دولاری ھاتییە خوارێ ب ١٤٥٠ دیناران، ئەڤێ پێنگاڤێ ژی کارتێکرنا خۆ ل سەر بازاری ھەبوو، ب وی رادەیی کو بھایێ کەلوپەلێن خوارنێ ب رێژا ٢٠% بلند بوویە.
وەزیرێ چاندنا ئێراقێ: پێدڤیە بھایێ ھێکان جێگیر بکەن
