ب کارئینانا مۆبایلێ بوویە ئێک ژ کارێن سەرەکی یێن رۆژانە، رێڤەبەرێ قوتابخانەکێ ژی دبێژیت بکارئینانا مۆبایلێ ژلایێ زارۆیان ڤە گەلەک زیان ھەنە.
شیلان حەسەن، دایکا دو زارۆیانە بۆ خانی نیوز گۆت: زارۆیێن وێ پتریا دەمێ خو ب مۆبایلێ ڤە دبوووراند، وێ چەندێ ژی کارتێکرنەکا مەزن ل سەر زارۆیێن وێ کریە تا وی رادەی ئێک ژ زارویێن وێ ب ئێکجاری نائاخڤیت و تووشی نەخءشیا دەروونی بوویە.
لێھات نەعمان، رێڤەبەرێ قوتابخانا سمارت کورد یا ئنگلیزی بۆ خانی نیوز گۆت: مۆبایل بوویە ئێک ژ ئامیرێن سەرەکی د ژیانێ دا کو گەلەک رێکێن دوور نێزیک کرینە و کار ب ساناھی کرینە، لێ ب مخابنی رێژەکا مەزن یا زارۆیان مۆبایلێ بکاردئینن، ئەو یەک ژی دبیتە ئەگەرێ چەندین نەرێنیان ل نک زارۆیان کو تووشی نەخۆشیێن دەروونی دبن و ئاستێ زیرەکیا وان د خواندنێ دا گەلەک لاواز دبیت، بەراورد د گەل زارۆیێن مۆبایلێ بکارنەئینن جوداھییەکا مەزن ھەیە، لەورا دڤێت دایک و باب پلانەکێ بۆ زارۆیێن خوە دانن و بەس بۆ دەمەکێ دیارکری مۆبایلێ بکاربینن، ھەروەسا پێدڤییە چاڤدێری ژی ل سەر ھەبیت ژبەرکو ژیێ وان گونجای نینە بۆ دیتنا ھەموو تشتان، ھەروەسا ماموستایان ژی رۆل د ڤێ چەندێ دا ھەیە کو قوتابیان فێربکەن بۆ چاوانیا بکارئینانا مۆبایلێ.
خانی نیوز، مەنیجا ئەیوب
