بھایێ پەترۆلێ د بازارێن جیھانێ دا داکەفت و ئەڤرۆ بھایێ بەرمیلەکا پەترۆلا برێنت ب پێنجی دۆلار و چل و شەش سەنتان، خاڤا تێکساس ژی ب چل و حەفت دۆلار و چل و سێ سەنتان بازار پێ ھاتەکرن.
ئاژانسا بلۆمبێرگ بەلاڤکرییە، ئەڤرۆ رۆژا دوشەمبی پەترۆلا برێنت ب رێژا سەدێ ئێک پۆینت ھەشت بھایێ خۆە ژدەست دایە، ب رەنگەکی بھایێ بەرمیلەکا پەترۆلا برێنت ب پێنجی دۆلار و چل و شەش سەنتان ھات فرۆشتن، خاڤا تێکساس ژی ب چل و حەفت دۆلار و چل و سێ سەنتان بازار پێ ھاتەکرن.
ژ ئەگەرێ بلندبوونا ھەژمارا تۆشبوون و مرنێ ب ڤایرۆسێ کۆرۆنا، سەرەرای کێمکرنا ھنارتنا پەترۆلێ ژلایێ ئۆپێکێ ڤە، بھایێ پەترۆلێ ھەر ب نزمی ما.
ل گۆرەی گۆتنا بسپۆرێن پەترۆلێ، ئەگەرێ سەرەکی یێ نە جێگرییا بھایێ پەترۆلێ بۆ بەلاڤبوونا پێلا دویێ یا ڤایرۆسێ کۆرۆنا ڤەدگەریت.
پەترۆلێ 2% بھایێ خۆە ژدەست دا
