یاریكهرێ ههلبژارتییێ پورتۆگال و یانا یوڤێنتۆس یا ئیتالى كریستیانۆ رۆنالدۆ، ل شهڤا بوورى شیا د یاریا ههمبهرى یانا ئودونێزی دا دو گۆلان تۆمار بكهت و یانا خوه سهربێخیت ژ گهرا حهفتییا 15 ل د خولا ئیتالى دا.
رۆژناما موندۆ دیپورتیڤۆ یا ئسپانی ئاشكرا كرییه، ب وان ههردو گۆلێن كریستیانۆ رۆنالدۆى ل سهر یانا ئودونێزی ترمار كرین، شیا نمرا پیڤایى ئهوا ل سهر ناڤێ یاریكهرێ بهرازیلی بیلێ بشیكێنیت د یاریێن فهرمی دا .
وێ رۆژنامێ ئاشكرا كرییه، د ژیانا خوه یا وهرزشى دا، بیلێ شیابوو 757 گۆلان تۆمار بكهت، بۆ یانێن سانتوس و كوزموس و 77 گۆلان بۆ ههلبژارتیێ بهرازیل تۆمار بكهت .
كریستیانۆ رۆنالدۆ شیا گۆلێن خوه بگههینته 758 گۆلان و شیایه 656 گۆلان بۆ یانێن سپورتینگ لهشبۆنه و مانچستهر یۆنایتد و ریال مهدرید و یوڤێنتۆس تۆمار بكهت و 102 گول بۆ ههلبژارتیێ خوه پورتۆگالێ تۆمار كرینه.
موندو دیپورتیڤۆ گۆتیه ژى، ب تنێ یاریكهرێ چیكی جوزیف بیكان ل پێشییا رۆنالدۆى دهێت، كو خودانێ 759 گۆلانه، ب تۆماكرنا دو گۆلێن دیتر، دێ رۆنالدۆ بیته گۆلكهرێ ئێكێ ل سهرانسهرێ جیهانێ .
