ده‌سته‌یا ده‌روازێن سنۆرى یێن ئیراقێ راگه‌هاند؛ داهاتێ سه‌رجه‌م ده‌روازه‌یێن سنۆرى یێن ئیراقێ 1.195 ترلیۆن دیناربوون ل سالا 2020 كو به‌راورد د گه‌ل سالا بۆری زێده‌بوویه.
ده‌سته‌یا ده‌روازیێن سنوری، ئامارێن سالێن بووری راگه‌هاندن؛ داهاتێ ده‌روازه‌یان سال ل دویڤ سالێ بلند دبیت. بلندبوونا ئه‌فساله ژى بو بزاڤێن حكومه‌تا ئیراقێ ڤه‌دگه‌رن كو كارێن به‌رچاڤ بو كونترۆلكرنا ده‌روازه‌یێن سنۆرى و ده‌رخستنا وان ل ژێر ده‌ستێن میلیشیا و حزبێن ئیراقى كرین.
پشتر كازم عیقابى، رێڤه‌به‌رێ پێشتر یێ ده‌روازه‌یێن سنورى راگه‌هاندبوو؛ ل سالا 2016، داهاتێ ده‌روازه‌یان 600 ملیۆن دۆلار بوون. سالا 2017 بۆ ملیاره‌ك و 400 ملیۆن دولاران بلندبوو. هه‌روه‌سا ل سالا 2018 داهاتێ ده‌روازه‌یان ب دو ملیاران هاته خه‌ملاندن.
تا نها هه‌موو ده‌روازه‌یێن سنۆرى ژ لایێ ده‌وله‌تێٍ ڤه نه هاتینه كونترۆلكرن، د ده‌مه‌كی دا بووینه ژێده‌رێ داهاته‌كێ باش بۆ میلیشا و حزبێن سیاسى ل ئیراقێ. كونترۆلكرنا ده‌روازێن سنۆرى ژى ئێك ژ خالێن گرنگ یێن به‌رنامێ حكومه‌تا مسته‌فا كازمى یه و چه‌ند ده‌روازه‌ك ژى ژ بن ده‌ستهلاتا میلیشیایێن حه‌شدا شه‌عبى ئیناینه ده‌ر.
سه‌رۆكوه‌زیرێن ئیراقێ، ل ناڤه‌راستا مه‌ها چریا دوێ یا سالا بۆری، فه‌رمانده‌یا ئۆپه‌راسیۆنێ، هه‌ڤپشك راسپاردبوو ده‌روازه‌یێن نه‌فه‌رمی بهێن داخستن ب مه‌به‌ستا نه‌هێلانا گه‌نده‌لیێ و رێگرتن ل هه‌ده‌ردانا به‌رهه‌مێن سامانێن سروشتی.
