بھایێ زێری د بازارێن ھەرێما کوردستانێدا بلندبوو و ھەر مسقالەک زێری عەیار ٢١ ئەڤرۆ ب ٣٩٠ ھزار دینارا بازار پێ ھاتییە کرن.
دەراڤ ئامێدی، زێرنگەرەکێ بازارێن دھۆکێ بۆ خانی نیوز راگەھاند؛ بھایێ زێری ئەڤرۆ د بازارێن ھەرێمێ دا بلندتربوویە کو ھەر مسقالەکا زێرێ عەیار ٢١ ئەڤرۆ ب ٣٩٠ ھزار دینارا بازار پێ ھاتییە کرن و یەک غراما زێرێ عەیار ٢١ ب ٧٦ ھزار و نیڤان ھاتییە فرۆتن و ب ٧٤ ھزار و نیڤان ھاتییە کڕین، ھەروەسا یەک غراما زێرێ خەلیجی ب ٧٥ ھزار و نیڤان ھاتییە کڕین و یەک غراما زێرێ ئیراقی و ٧٤ و نیڤا د کرن و ب ٧٦ ھزار و نیڤان ھاتییە فرۆتن.
ھەروەسا ژ ئەگەرێ نزمبوونا بھایێ دینارێ ئیراقی بەرامبەر دۆلارێ ئەمریکی ئەڤرو دووشەمبیێ بھایێ ١٠٠ دۆلارێ ئەمریکی بەرامبەر ب ١٤٣ ھەزار و ٥٠٠ دیناران بوو.
