روونشتنا ھەشتێ یا دادگەھا ھەڤسەرۆکێ بەرێ یێ پارتییا دیمۆکراتیک یا گەلان ھەدەپێ ل باژارێ ستەنبۆلێ ھات سازکرن و دادوەری بریار دا روونشتن بۆ سێ ھەیڤێن دی بھێتە پاشخستن.
روونشتنا ھەشتێ یا دادگەھا سەلاحەددین دەمیرتاش ھەڤسەرۆکێ بەرێ یێ ھەدەپە ھات سازکرن و بریار ھاتەدان روونشتن تا ھەیڤا ئادارێ یا ئەڤسالە بھێتە پاشخستن.
پارێزەرێ دەمیرتاشی داخوازا رێکخستنا دۆسەیێ ل گەل دۆسەیا دی یا دەمیرتاشی کر و داخوازکر ل دووڤ ماددەیێن ٤٣ و ٤٤ێ ژ قانوونا سزایان رێکبێخن، بەلێ پارێزەرێ ئەردۆغانی داخواز ژ دادوەری کر داخازا وان پەسەندنەکەت.
٢٢ێ ھەیڤا کانوونا ئێکێ یا سالا بووری، دادگەھا مافێ مرۆڤی یا ئەورۆپا بریارا ئازادکرنا سەلاحەدین دەمیرتاشی دا بوو، لێ تا نھا ئەو بریار نەھاتیە بجھئینان و دادگەھا تورکیا بریارا بەردەوامیا زیندانکرنا وی دایە و ھندەک دۆسەیێن نوو ل سەر دەمیرتاشی ڤەکرینە.
دەمیرتاش ل رۆژا ٤ی چریا دویێ ل ٢٠١٦ د گەل فیگەن یوکسەکداغ، ھەڤسەرۆکا پەرێ یا ھەدەپێ و پازدە پەرلەامنتارێن ھەمان پارتیێ ھاتینە دەستەسەرکرن و تا نھا ل زیندانا ئەدرنە نە.
