دو ههیڤێن بووری زێدهترى دوسهد وهلاتیێن كورد ل باژارێ عهفرینێ یێ رۆژئاڤایێ كوردستانێ ژ لایێ هێزێن چهكدار هاتینه رهڤاندن.
رێكخستنا مافێ مرۆڤی ل عەفرینێ راگههاند، ژبلى ئازادكرنا ههژمارهكا وهلاتیێن كورد ژلایێ هێزێن چهكدارى ڤه كو پشكهك ژ وان دو سال بوو هاتینه گرتن، لێ پروسا رهڤاندنا وهلاتیێن كورد بهردهوامه.
ئاماژە ب وێ یهكێ ژى كر، ل دو ههیڤێن بوورى زێدهترى دوسهد وهلاتیێن كورد كو ژن ژى د ناڤ دا ههنه، ژلایێ هێزێن چهكدارێن سهر ب توركیا ڤه هاتینه رهڤاندن و تنێ بیست كهس هاتینه ئازادكرن.
ل دووڤ زانیاریێن رێكخستنا مافێ مرۆڤی ل عەفرین، چارەنڤیسێ شهشسهد وهلاتیێن كورد نهدیاره.
ل ههژدهیێ ئادارا دو هزار و ههژدێ، توركیا و هێزێن چهكدارى یێن یێن سهر ب وان ڤه باژارێ عهفرینێ ل رۆژئاڤایێ كوردستانێ داگیر كرییه و تا نها ل ژێر كۆنترۆلا وان دایه.
