شیرهتكارهكێ سهرۆكوهزیرێن ئیراقێ بۆ كاروبارێن دارایى پێشبینی دكهت ئاستێ ههژاریێ ل ئیراقێ بگههیته 30%.
مهزههر محهمهد سالح، شیرهتكارێ كاروبارێن دارایى یێ سهرۆكوهزیرێ ئیراقێ راگههاندییه: دبیت پشكهك ژ كورتئینانا بودجێ سالا 2021 ژ ئهنجامێ رێكارێن نوو یێن حكومهتێ و كێمكرنا مهزاختنێن سازیێن حكومی بهێته چارهسهر كرن، لێ ههكه ڤێ چهندێ نهكهت، دێ رهوش خرابتر لێ هێت.
مهزههر محهمهد سالح دیار ژى كر، بهلاڤبوونا ڤایرۆسێ كۆرۆنایێ و ڤهگهریانا ئاواران بۆ جهێن خوه و داكهفتنا بهایێ پهترۆلێ، دێ بنه ئهگهر كو ئاستێ ههژاریێ ل ئیراقێ بگههیته 30%، لهوما ئهو ب پێدڤى دبینیت بزاڤ بهێنه كرن، دهلیڤێن كارى بۆ وهلاتیان بهێنه دابینكرن، ژ پێخهمهت رهوش و ژیانا وهلاتیان ئالۆزتر لێ نههێت.
