وەلاتییەکێ گوندێ دەرگەلا موسا بەگێ سەر ب دەڤەرا بەرواری بالا ڤە ب ئەگەرەکێ نەدیار د مالا خوەڤە ھاتە کوشتن.
پەیامنێرێ خانی نیوز ل دەڤەرا بەرواری بالا ئاشکرا کر، نزار سلێمان محەمەد سەلیم، وەلاتییەکێ گوندێ دەرگەلا مووسا بەگێ سەر ب دەڤەرا بەرواری بالا ڤە شڤێدی سەعەت دەھـ و نیڤ د مالا خوەڤە ھاتە کوشتن و تا نھا دیار نینە چاوا ھاتیە کوشتن.
پشتێ بویەرێ ھەر زوو تیما ھەوارھاتنا بلەز گەھەشتە جھێ روودانێ و تەرمێ وی بۆ نەخۆشخانا رۆزانا ل کانی ماسێ ھاتە رەوانەکرن، باشی بۆ نۆشداریا داد ل دھۆکێ، ل سەر ڤێ روودان چ ئالی بەرھەڤ نەبوون داخویانییان بدەن.
کەسەکێ ل سەر تەرمێ وی ئامادەبووی نەڤیا ناڤێ وی بھێتە زانین گۆت: دەمێ تەرمێ وی راکری قالکا گوللەکێ ل سەر تەرمێ وی بوو کو پێشبینی دھێتە کرن وی بخوە خوە کوشت بیت .
ل پشکنینا دەستپێکی ل نەخۆشخانا رۆزانا ل کانی ماسێ وەسا دیار بوو، جھێ سێ گوللان ل سەر لاشێ وی ھەیە و ئێک ب سەرێ وی کەفتیە و ب تنێ ل مال بوویە، چ چەک ژی ل مالا وی نەھاتیە دیتن.
