نێچیرڤان بارزانی، سەرۆکێ ھەرێما کوردستانێ راگەھاند: پێشوازی ل سەرکەفتنا کارێن کۆنفرانسێ گوپیتکا جڤاتا ھاریکارییا کەنداڤی و راگەھاندنێن وان یێن ھەڤشک دکەین و ئاما ژی دا ھندێ کو پێشوازیێ ل بریارا ڤەکرنا سنووران و کارکرنا وان بۆ نەھێلانا ناکوکییان دناڤبەرا وەلاتێن کەنداڤی دا دکەین.
پشتی سێ سالان ژ ڤەقەتیانا پەیوەندییان و دائێخستنا سنووران دناڤبەرا ریازێ و دەوحە دا، ب پشکدارییا میرێ قەتەرێ و شاھێ جێھنشینا سعودیێ د گوپیتکا ٤١ێ یا جڤاتا ھاریکاریکرنا وەلاتێن کەنداڤی ل پارێزگەھا عولای ل سعودیێ بدوماھیک ھات و ئەو سنوور ھاتە ڤەکرن.
قەتەرێ د سێ سالێن بوری دا بایکۆتا کۆمبوونێن جڤاتا ھاریکاریا عەرەبی کربوو، ئەڤە ژی ئێکەم جارە پشتی دۆرپێچکرنا قەتەرێ ل ناڤەراستا سالێن ٢٠١٧ێ ، شێخ تەمیم بن حەمەد ئال تانی، ئەمیرێ ئەوی وەلاتی سەرەدانا سعودیێ بکەت.
