ئەڤرۆ ژ بۆ دەنگدانێ ب وەزیرێ سامانێن سرۆشتی فراکسیۆنا گۆڕانێ ل پەرلەمانێ کوردستانێ بوونە دوو بەرە، سەرۆکا فراکسیۆنا گۆڕانێ ل پەرلەمانێ کوردستانێ بۆ خانی نیوز راگاھاند: حزبێ گۆتبوو مە کو ھەر ١٢ پەرلەمانتار دەنگی ب کاندیدێ پارتی بدەن، لێ ئەوێن دەنگ نەداین ژ بریارا حزبێ لاداینە
گۆلستان سەعید سەرۆکا فراکسیۆنا گۆڕان بۆ خانی نیوز گۆت ژی، ھیچ حزبەک پەرلەمانتارێن خۆ ژ بۆ دەنگدانێ ئازاد ناکەت و پەرلەمانتار نەچارن پێگیری بریارێن حزبا خوە ببن، ژ فراکسیۆنا گۆڕانێ ژى مه وه‌كو ٧ پەرلەمانتاران پابەندی بریارا حزبێ بووین و ٥ پەرلەمانتارێن دی ژی پێگیری بریارا حزبێ نه‌كرن.
ناڤھاتیێ گۆت ژی: لێپرسین ل گەل وان پێنچ پەرلەمانتاران بۆ حزبێ ڤەدگەریت کا دێ لێپیرسینێ دگەل وان کەت یان ژی نە.
بۆ دەما سالەک و شەش مەھانە کابینەیا نەھێ حکومەتا ھەرێما کوردستانێ ھاتییە پێکئینان و تا نھا وەزیرێ سامانێن سروشتی نەھاتبوو دانان، سەرۆکێ حکومەتا ھەرێمێ ژی د. کەمال ئەترووشی وەکو کاندیدێ پارتی بۆ وەرگرتنا وی پۆستی رەوانەی پەرلەمانێ کوردستانێ کربوو و ب دەنگێن ٨١ پەرلەمانتاران باوەری پێ ھاتەدان.
خانی نیوز، عه‌زیز هه‌ورامی
