سەرۆکێ حکومەتا ھەرێما کوردستانێ بریار دایە بۆ ھەیڤێن ١٠ و ١١ و ١٢ یێن سالا ٢٠٢٠ێ کوژمەکێ پارەی وەک دابرینەکا ھەیڤانە یا مافێن دارایی یێن مامۆستایێن وانەبێژ یێن نەدامەزراندی بھێنە خەرجکرن.
د پەیامەکێ دا ئالان حەمە سەعید، وەزیرێ پەروەردا حکومەتا ھەرێما کوردستانێ ئەڤرۆ رۆژا چار شەمبی ٧-١-٢٠٢١ بەلاڤکرییە و ئاراستەیی مامۆستایێن وانەبێژ کرییە، و راگەھاندییە کو مەسرور بارزانی، سەرۆکێ حکومەتا ھەرێما کوردستانێ بریاردایە بۆ ھەیڤێن ١٠ و ١١ و ١٢ یێن سالا ٢٠٢٠ێ کوژمەکێ پارەیی وەک دابرینەکا ھەیڤا نە بیت و ب ڤی شێوێ ل خوارێ.
ھەلگرێن باوەرناما بەکالۆریۆس و د سەرداتر دێ کوژمێ ٣٠٠ ھزار دیناران و ھەلگرێن باوەرناما دبلۆمێ ٢٥٠ ھزار دیناران وەرگرن، ئەڤ کوژمێ پارەیی وەک مافێن داریێن مامۆستایێن وانەبێژ دێ ھێنە خەرجکرن.
