بەیان سالح بەرپرسا بەشی ئافرەتان ل مەکتەبا ریکخراوێن جەماوەری بو خانی نیوز گوت: کارکرنا بازرگانی ل کوردستانێ ھەموویێ ئەزمونەکا نوویە بۆ ھەردوو رەگەزان، لێ ئافرەت ژی ڤێ قوناغێ شیاینە شوون تبلێن خۆ دروستبکەن و کارێ بازرگای ل گور شیانێن خۆ ئەنجام بدەن و پێنگاڤەکێ بەرەڤ کارێ بازرگانیێ بھاڤێژن، بەان سالح گۆت ژی: رێژا ئافرەتان د کارێ بازرگانیێ دا ب شێوازێ ئۆنلاین یا دیارنینە لێ یا بەرچاڤە کو رۆژ ب رۆژ زێدەتر لێ دھێت.
ھەروەسان ناڤھاتیێ گوت ژی: ھەموو ئافرەت دشێن ببنە خودان کار و بازرگانی ئەگەر پشتەڤانی لێ بھێتە کرن و رێگری نەبن، لێ ل کوردستانێ ب گشتی ھندی دژایەتییا ئافرەتا دکەن ھند پشتەڤانییا وێ ناھێت کرن.
بەیان سالح گوت ژی ھەموو کارەکێ بازرگانی و ئازاد دبیتە دەرگەھەک بۆ ئافرەتێ کۆ ببیتە خودان داھاتەکێ ئابوریێ سەربەخۆ، لێ پێدڤییە بەری ئافرەت ڤی کاری بکەت پێزانین ل سەرکاری ھەبن یان ھندەک خولێن تایبەت ھەبن ب چاوانیا رێڤەبرنا کاری، نە ب نەزانین بچیتە د ناڤ کاری دا.
خانی نیوز، مەنیجا ئەیوب
