وه‌زیرێ ره‌وشه‌نبیرى یێ حكومه‌تا ئیراقێ ئاشكه‌راكر، حكومه‌تا وه‌لاتێ وى ب نیازه سروودا نشتیمانى و ئالایێ ئیراقێ بگوهۆریت.
حه‌سه‌ن نازم، وه‌زیرێ ره‌وشه‌نبیرى و گه‌شتیارى و شوونوارێن ئیراقێ و په‌یڤدارێ فه‌رمى یێ ده‌وله‌تێ د دیداره‌كا ته‌له‌ڤزیۆنى دا ئاماژه ب وێ یه‌كێ دا، هه‌ردو پرۆژه‌قانوونێن سروودا نشتیمانى و ئالایێ ئیراقێ ژلایێ لژنا په‌یوه‌ندیدار ڤه د قۆناغا دارشتنێ دانه و چه‌ند پێشنیاره‌ك ده‌رباره‌ى وان هه‌ردو پرۆژه‌قانوونان ل به‌رده‌ستێ وانه و پێدڤى ب رێكه‌فتنا لایه‌نێن سیاسى یه.
دیار ژى كر، ئاسته‌نگێن مه‌زن ل به‌رامبه‌ر وان هه‌ردو پرۆژه‌قانوونان هه‌نه و ئه‌و ب نیازن رۆژه‌كێ ژى وه‌ك رۆژا نشتیمانییا ئیراقێ دیاربكه‌ن.
چه‌ند هه‌یڤێن بوورى كازم ساهر، هونه‌رمه‌ندێ ئیراقى سرووده‌كا نوو ب ناڤێ ئیراقونا به‌لاڤكر و راگه‌هاندبوو دیارییه بۆ گه‌لێ ئیراقێ و تێدا به‌حس ل پێكڤه‌ژیانا پێكهاتێن نه‌ته‌وه‌ى ل وه‌لاتى كرییه، و ل تۆرێن جڤاكى هاته پێشنیاركرن ببیته سروودا نشتیمانى یا ئیراقێ.
