نێرینگه‌ها مافێن مرۆڤى ل سووریێ راگه‌هاند، توركیا دوهى كاروانه‌كێ دی یێ هێزێن سه‌ربازى هنارتیه خالێن چاڤدێریێ ل باكورێ رۆژئاڤایێ سووریێ.
چاڤدێران دیاركریه، هه‌ژمارا وان كاروانێن هێزێن سه‌ربازی پتری 15 ترۆمبێلانه د رێكا كه‌فر لوسین یا باكورێ باژێرێ ئیدلبێ را ده‌ربازى ناڤا سنۆرێ سووریێ بوینه و ب كه‌ره‌ستێن لوجستى هاتینه باركرن، ئه‌و ترۆمبێل به‌ر ب بنگه‌هێن توركیا ل جه‌به‌ل زاویه یا باشوورێ ئیدلبێ ب رێكه‌فتینه.
نێرینگه‌ها مافێن مرۆڤى ل سوریێ راگه‌هاند ژى، ژ 2 یێ هه‌یڤا شواتا سالا بوورى تا نها پتر ژ یازده هزار ترۆمبێلێن توركى یێن سه‌ربازى و بارهه‌رگر چووینه ده‌ڤه‌را ئارام ل سووریێ، كو هنده‌ك ژ وان ترۆمبێلێن گوللـه نه‌بڕ یێن ڤه‌گوهاستنا كه‌سانێن تایبه‌ت بوون.
