رێكخستنا ساخلهمیا جیهانى راگەهاند، د چەند حهفتێن بهێن دا، دو ملیار ڤاکسینێن کۆرۆنایێ دێ ب سەر وهلاتێن ھەژار دا هێنه بهلاڤكرن و بیست ژ سهدێ ئاكنجیێن وهلاتان دێ ڤاكسینێ وهرگرن.
کیت ئۆبراین، بەرپرسێ ڤاکسینان ل رێكخستنا ساخلهمیا جیهانى راگەهاند، چەند حەفتیێن بهێن ،رێكخستنا وان دێ دەست ب بهلاڤكرنا ڤاکسینێ کۆرۆنایێ كهت، د چارچووڤێ بەرنامێ کۆڤاکس، ئهو رێكخستن خوه بۆ بهلاڤكرنا دو ملیار ڤاکسینان ب سەر بیست ژ سهدێ یا ئاكنجیین جیهانێ بهرههكریه.
ئاماژهب هندێ ژى كر، بهلاڤكرنا ڤاکسینى دێ دناڤبهرا داویا کانوونا دویێ و نیڤا ههیڤا شواتا ئهڤساله بیت.
ئهو بریارا رێكخستنا ساخلهمیا جیهانى د دهمهكى دایه، پشكهك ژ وهلاتێن جیهانى یێن دهولهمهند، وەک ئەمریکا و کەنەدا و بریتانیا و وهلاتێن ئهورۆپا چەند حهفتیه دهست ب بهلاڤكرنا ڤاکسینێ کۆرۆنایێ كریه.
