وهزارهتا ساخلهمیا ئیراقێ ئهڤرۆ هۆشداریێن توند ل دۆر بهلاڤبونا ڤایرۆسێ نوو یێ كۆرۆنا دان و ئاماژه كر، رهوشهكا ب مهترسى د رێ دایه وداخازكر رێنمایێن خوپارێزیێ جێبهجێ بكهن.
وهزارهتا ساخلهمیا ئیراقێ ئهڤرو د بهیانهكێ دا هۆشداری ل دۆر ڤایرۆسێ نوو یێ كۆرۆنا دان و راگههاند؛ پێدڤییه رێكارێن توند یێن خوه پارێزیێ بجهبینن ژ بۆ هندێ رێك ل بهلاڤبوونا ڤایرۆسێ نوو بهێت گرتن و داخواز ژ دهزگههێن راگههاندن و رێكخستنێن سڤیل و سازیێن ئاینی كر، رۆلهكێ مهزن د ههوا هشیاركرنا وهلاتییان دا بگێرن.
وهزارهتا ساخلهمیێ ئاماژه كریه، كێمبون و بلندبوونا هژمارا تووشبوو، مری و چارهسهربوویێن كۆرۆنا ل ئیراقی ، نابنه ئهگهرێ مهترسیێ لسهر وهلاتى، بهلكو مهترسى ژ ئهگهرێ گهشتێن ئیراقیان و هاتنا كهسێن بیانی یه.
د بهیانێ دا هاتییه، ڤایرۆسێ نوو ل ئهمریكا، ئێكهتییا ئهوروپا، بریتانیا و چهندین وهلاتێن دى زۆر بلهز بهلاڤهدبیت و ههموو تهمهنان تد گریت و هژمارا مریان ژی زیدهتره.
