درامایا كوردى یا ب ناڤێ (گورگه‌كان) ژ بۆ زمانێ عه‌ره‌بی هاتییه‌ دوبلاژكرن

درامایا گورگه‌كان به‌رهه‌مێ كۆمپانیا سام پرۆیه‌‌ و ژ ده‌رهێنانا میهران شیرى یه‌ و هه‌روه‌سا رێڤه‌به‌رێ هونه‌رى پشتیوان عه‌بدوللا و رێڤه‌به‌رێ به‌رهه‌مى هیوا عومه‌ر و به‌رهه‌مهێنه‌ر مه‌لان سه‌باح و ئه‌كته‌رێن ژى یێن باژێرێ هه‌ڤلێرێ و سلێمانی بوون. ئه‌ڤ درامایه‌ كو ژ 80 خه‌له‌كان پێكهاتییه‌ و هه‌ر سیزنه‌ك ژى 20 خه‌له‌كه‌. ناڤه‌رۆكا دراماى به‌حسێ سه‌قامگیرى و ئاسایش و پاراستنا وه‌لاتى و چاوانییا به‌رقه‌رابوونا ته‌ناهیێ ل هه‌رێما كوردستانێ دكه‌ت. درامایا گوركه‌كان ل 20 هه‌یڤا نیسانا سالا 2020ێ ل كه‌نالێ نێت تیڤى ئێكه‌م خه‌له‌كه‌ هاتبوو پێشكێشكرن، ئه‌ڤه‌ ژى پێنگاڤه‌كا نۆیا درامایا كوردى یه‌ به‌ره‌ڤ بیاڤێ ئه‌كشنێ.  نوكه‌ ژى ئه‌ڤ درامایه‌ به‌ره‌ڤ میدیایا عه‌ربى ڤه‌ چوویه‌ و هاتییه‌ دوبلاژكرن بۆ سه‌ر زمانێ عه‌ره‌بى و ل ڤان نێزیكان دێ ل هنده‌ك كه‌نالێن ئاسمانى یێن هێته‌ به‌خشكرن، لێ تا نها ناڤێ وى كه‌نالى نه‌هاتییه‌ ئاشكراكرن كو دێ ڤى دراماى په‌خش كه‌ت