ل ڤان نێزیكان دێ شاندەكێ حكومەتا ئیراقێ سەرەدانا وه‌لاتێ توركیا كەت، ژ پێخه‌مه‌ت دابینكرنا پشكا ئیراقێ ژ ئاڤا رووبارێن دیجله‌ى و فۆراتى.
مەهدی رەشید وەزیرێ ژێدەرێن ئاڤا ئیراقێ دیار كرییه: ژ پێخه‌مه‌ت دابەشكرنه‌كا دادپەروەرانە یا ئاڤێ و پاراستنا پشكا ئیراقێ ژ ئاڤا رووبارێن دیجله‌ى و فۆراتى، شاندەكێ حكومەتا ئیراقێ ل 15ى ڤێ هەیڤێ دێ سەرەدانا وه‌لاتێ توركیا كەت، هه‌روه‌سا دێ رەشنڤیسا وێ پرۆتۆكۆلێ ژی پێشكێشكەت، ئه‌وا ل ڤان نێزیكان ژ ئالییێ جڤاتا وەزیران ڤه هاتیە پەسەند كرن، كو میكانیزم و هەماهەنگییا ئیراقێ و توركیا تێدا هاتییە دیار كرن.
