وەزارەتا پێشمەرگەی راگەھاند، پشتی ھنارتنا لیستا ناڤێن ئەفسەرێن پێشمەرگەی بۆ پلە بلندکرنێ، ئەنجومەنێ وەزیران رەزامەندی ل سەر دایە و بۆ وەزارەتا پێشمەرگەی ھاتییەرەوانەکرن. وەزارەتێ دیارکرییە: دێ ژ سالا ٢٠١٧ێڤە بۆ وان ھێتە ھەژمارتن و ھەمی جۆرێن پلەیان تێدانە و ئەڤ بریارە دێ ژ سەرجەم ئەفسەرێن پێشمەرگەی ڤەگریت.
لیوا قارەمان کەمال، جێگرێ سوپاسالارێ ھێزێن پێشمەرگەی بۆ ئۆپەراسیۆنان راگەھاند، پشتی لیستا پلە بلندکرنا ئەفسەرێن پێشمەرگەی یا سالا ٢٠١٧ێ بۆ جڤاتا وەزیران ھاتییە ئاراستەکرن، رەزامەندی ل سەر ھاتییەدان و دێ دەست ب پلە بلندکرنا وان ئەفسەران ھێتەکرن یێن رەزامەندی ل سەر ھاتییەدان.
ناڤبری دیارکر ژی کو ئەو مژویلی ئامادەکرنا لیستا پلە بلندکرنێ یا سالا ٢٠١٨ێ نە و دێ بۆ جڤاتا نوونەران ھنێرن داکو رەزامەندی ل سەر بھێتەدان.
لیوا قارەمان کەمال ئاشکرا ژی کر، ئەڤ بریارە دێ ژ ھەمی ھێزێن پێشمەرگەی گریت یێن ناڤ وەزارەتێ و یەکەیێن ٧٠ و ٨٠ و ھێزێن زێرەڤانی و ھەوارھاتنێ.
