کۆمسیۆنا بلندا سەربەخۆیا ھەلبژارتنا راگەھاند، زێدەتر ژ ٢٥ ملیۆن وەلاتیێن ئیراقێ و ھەرێما کوردستانێ مافێ بەشداریکرنێ ل ھەلبژارتنێن بھێت یێن پەرلەمانێ ئیراقێ ھەیە.
جومانە غولای، پەیڤدارێ کۆمسیۆنا بلندا سەربەخۆیا ھەلبژارتنان ئەڤرۆ رۆژا دووشەمبێ راگەھاند، ھەتا رۆژا ٩-١-٢٠٢١، ٦٥ ھزار و ٥٤٨ وەلاتییان زانیاریێن خوە ل کۆمسیۆنێ نوو کرینە.
جومانە غولای گۆت ژی، دەنگدەر دشێن ھەتا رۆژا ٢-٢-٢٠٢١ سەرەدانا بنگەھێن کۆمسیۆنێ بکەن، ھژمارا وان ل سەرانسەری ئیراقێ ھزار و ٧٩ بنگەھن.
پەیڤدارێ کۆمسیۆنێ ئاماژە کر، حزبێن سیاسی دشێن ھەتا رۆژا ١٦-١-٢٠٢١ خۆ بۆ ھەڵبژارتنێن پەرلەمانی توماربکەن، ھەروەسا ھەتا رۆژا ٢٨ـێ ھەیڤێ دەم دێ بۆ پێشکێشکرنا لیستا کاندیدان ڤەکری بیت.
جومانە غولای دیارکر، ھژمارا ئەو کەسێن ئەڤ سالە دشێن بەشداری پرۆسەیا دەنگدانێ بکەن، ٢٥ ملیۆن و ١٢٩ ھزار و ٣٧٥ وەلاتی یێن ئیراق و ھەرێما کوردستانێنە.
مستەفا کازمی سەرۆک وەزیرێ ئیراقێ رۆژا ٦-٦-٢٠٢١ـێ بۆ ئەنجامدانا ھەڵبژارتنێن بھێت یێن پەرلەمانێ ئیراقێ دیارکرییە.
