وەزارەتا ساخلەمییا حکومەتا ھەرێما کوردستانێ ئامارا ٢٤ دەمژمێرێن بوری یێن پشکنین و تووشبوو و چاکبوویان ب پەژیکا کۆرۆنایێ بەلاڤکرن و ئاشکرا کر ژی کو ٢٤ دەمژمێرێن بۆری دا چ کەسەک ب ڤایرۆسێ کۆرۆنایێ گیانێ خۆ ژ دەست نەدایە.
ئەڤرۆ سێشەمبی ١٢-١-٢٠٢١ێ وەزارەتا ساخلەمیێ ئامارا ٢٤ دەمژمێرێن بۆری یا تایبەت ب رەوشا کۆرۆنایێ ل ھەرێما کوردستانێ بەلاڤکرینە و ئاشکرا ژی کر کو ژ ئەنجامێ ٢٦٧٦ پشکنینان، ٨٨ کەس تووشبووینە، ل ھەڤلێرێ ١٤ کەس و ل سلێمانێ ٥٢ کەس و ل دھوکێ ٢١ کەس و ل ئیدارا گەرمیان ژی ١ کەس، ھەروەسا ل پارێزگەھا ھەلبەبچە و ئیدارا راپەرین چ کەسەک تووشی کۆرۆنایێ نەبووینە.
ھەر ل دووڤ ئامارا وەزارەتا ساخلەمیێ، ٩٨٣ کەس یێن چاکبووین، ٣٥١ کەس ل ھەڤلێرێ و ١٨٧ کەس ل سلێمانێ و ٣٦٩ کەس ل دھوکێ و ٣٥ ل گەرمیان و ٤١ کەس ژی ل راپەرینێ.
بۆ ئێکەم جارە پشتی بەلاڤبوونا شەپۆلا توند یا پەژیکا کۆرۆنایێ ل ھەرێما کوردستانێ د ٢٤ دەمژمێران دا چ کەسان ب ئەگەرێ کۆرۆنایێ گیانێ خۆ ژ دەست نەدابیت.
