پشتی کو تۆرا جڤاکییا تویتەری ھژمارا دۆنالد ترامپی، سەرۆکێ ئەمریکا ب تەمامی دائێخستی؛ بھا و پشکێن کۆمپانییا تویتەری ل رۆژا دووشەمبی ب رێژا ٧% داکەفت، ب شێوەیەکی کو ھەر پشکەک بۆ ٤٨.١٨ دولاران داکەفت، تویتەر بۆ ترەمپی ئێک بوو ژ رێکێن بەربەلاڤ یا بەلاڤکرنا چالاکی و بیروبۆچوونان، پشتی کو بوویە سەرۆکێ ئەمریکا ژی ٨٨ ملیۆن بکارھێنەرێن تۆرا جڤاکی تویتەرێ وی فۆلۆکربوو.
حەفتیا بۆری تویتەری راگەھاند: پشتی کو وان پێداچوون د تویتەرێن ترەمپی دا کرین، ژبەر مەترسییا بەلاڤبوونا زێدەتر یا تووندوتیژیان مە بریار دا کو ب تەمامی ھژمارا وی و چەند ھژمارێن وی یێن دی ژی ژ کاربێخین.
ئەڤ بریارە ژی ھاتە دان پشتی کو ل حەفتیا بۆری بۆ پشتەڤانیکرنا ترەمپی خونێشاندان ب رێڤەچووبوو، و خۆنیشاندەر چووبوونە دناڤ ئاڤاھیێ کونگرێسی ڤە و ژ ئەگەرێ دروستبوونا توندوتیژیان پێنج کەسان گیانێ خۆ ژ دەست دابوون.
