قاسم شەشۆ کەسایەتیێ دیار یێ دەڤەرا شنگالێ تایبەت بۆ خانی نیوز راگەھاند: ھێزێن شیعەیان دەڤەرا شنگالێ ب تەمامی داگیرکریە و تا نوکە ژی ھیچ بەندەکێ رێکەفتنا د ناڤەبەرا ھەولێر و بەغدایێ دا ل شنگالێ نەھاتییە ب جھـ ئینان.
شەشۆی گۆتییە ژی، گرۆپێن شیعە و حەشدا شەعبی ھەول ددەن مەزارگەھێن شیعە مەزب ل وێ دەڤەرێ بدانن.
دەربارەی ھەبوونا ھێزێن پەکەکێ ل وێ دەڤەرێ قاسم شەشۆی بۆ خانیوز گۆتییە: بەغدا ب ھاریکارییا ھندەک وەلاتان پشتەڤانیا دارایی یا پەکەکێ ل شنگالێ دکەت و ل دەمەکێ نزیک ژی شنگال دێ بیتە قەندیلا دووێ.
ناڤبری داخازێ ژ ھەردوو سەرۆکایەتیێن ھەرێمێ و حکومەتا ھەرێمێ دکەت کو چارەیەکێ ل رەوشا شنگالێ بکەن، ئەگەر نە ھیچ تشتەک ب ناڤێ کوردستانی بوونا شنگالێ نامینیت.
ل ١٠ ئکتۆبەرا سالا بۆری ھەولێر بەغدا رێکەفتنەک ل دۆر رەوشا دەڤەرداریا شنگالێ ئیمزا کر و ئێک ژ خالێن وێ رێکەفتنێ ژی ئەو بوو، ھێزێن حەشدا شەعبی ل ناڤا شنگالێ دەرکەڤن و ھێزێن نەقانوونی وەکو پەکەکێ ژی ل وێ دەڤەرێ نەمینن.
خانی نیوز
