پەیڤدارێ سەرۆکاتییا ھەرێما کوردستانێ راگەھاند، پێشمەرگەیێ رۆژ ل سەنگەرێن پێشیێ یێن پاراستنا ئاخا کوردستانێ بوون و ب دەھان شەھید و بریندار داینە.
پێشتر ئالدار خەلیل، ئەندامێ کونسەیا پارتیا یەکیتییا دیمۆکرات پەیەدێ، د دیدارەکا رۆژنامەڤانی دا بەحس دانوستاندنێن ئەنەکەسێ و پەیەدێ کربوو و گۆت بوو: پێشمەرگەیێ رۆژ کرێگرتیێن دەولەتا تورکیانە.
پەیڤدارێ سەرۆکاتییا ھەرێما کوردستانێ د بەرسڤا ئالدار خەلیل دا گۆت: ناڤبری باش دزانیت و ئاگەھدارە ل سەر قارەمانێن پێشمەرگەیێ رۆژ کو ژ دەستپێکا دروستبوونا وێ ھێزێ و تا نھا ل سەنگەرێن پێشیێ یێن پاراستنا ئاخا کوردستانێ بوون، د شەرێ دژی داعشێ ژی دا ب دەھان شەھید و بریندار داینە، چ نشتیمانپەروەرەکێ خودان وژدان ژی وێ یەکێ ژبیر ناکەت.
پەیڤدارێ سەرۆکاتییا ھەرێما کوردستانێ گۆت ژی: ئەو داخویانی و تۆمەت زیانێ دگەھیننە ئێکرێزی یا گەلێ کوردستانێ، مەرەما سەرەکی ژی پێ تێکدانا دانوستاندنێن کوردی کوردی نە ل رۆژئاڤایێ کوردستانێ.
سەرۆکاتییا ھەرێمی بەرسڤا ئالدار خەلیل دا
