ل دووڤ راپۆرتا وەزارەتا گەنجینەیا ئەمریکا، ب ئەگەرێ خەرجیێن تایبەت ب کێمکرنا بەرکەفتێن کۆروۆنایێ و ھەروەسا ھاریکاریێن دارایی ێن بێکاران، ھەیڤا بۆری کورتئینان د بودجێ دا گەھشتە ١٤٤ ملیار دولاران و ئابوورێ وەلاتی ژی بتنێ ب ئاستەکێ کێم گەشەکرییە.
وێ راپۆرتێ دیارکرییە کو ئەو کورتئینانە ب ئاستەکێ پیڤەری د بەرزبوونێ دایە، د دەمەکی دایە کو ل کانوونا ئێکێ یا سالا ٢٠١٩ێ و ژبەر بەلاڤبوونا کۆرۆنایێ کورتئینان د بودجێ دا بتنێ ١٣ ملیار دولار بوون.
سەبارەت داھاتێ ھەیڤانە ژی راپۆرتا وەزاەرتا گەنیجنەیا ئەمریکا دیارکرییە، ل سەر بنەمایێ سالانە ب رێژا ٣% زێدەبوویە و گەھشتییە ٣٤٦ ملیار دولاران، دبەرامبەر ژی دا خەرجی ب رێژا ٤٠% بلند بووینە و گەھشتییە ٤٩٠ ملیار دولاران.
