فراكسیۆنا پارتى دیموكراتى كوردستان ل پهرلهمانێ ئیراقێ راگههاند، ههر ژڤانهكێ ژ لایێ حكومهتا ئیراقێ ڤه بۆ ههلبژارتنێن پێشوهخت بهێته دیاركرن، دێ پیگیریێ پێكهن، ژبهر كێمیا دهمى كومسیۆن نهشێت ههلبژارتنێن پێشوهخت د دهمێ خۆیێ دیاركرى دا بكهت.
شێروان دوبەردانی، ئهندامێ فراكسیۆنا پارتى ل پهرلهمانێ ئیراقێ د پرێس كونفرانسهكى دا راگههاند: د چهند رۆژێن بووری دا د كوومبوونهكێ دا دناڤبهرا لیژنا یاسایى و سهرۆككومارى، ههردو گههشتنه وێ باوهریێ كو ژبهر كێمیا دهمى، كومسیۆنا بلندا سهربهخوهیا ههلبژارتنێن ئیراقێ، نهشێت ههلبژارتنێن پێشوهخت د دهمێ خۆیێ دیاركرى دا بكهت.
ههلبژارتنێن پێشوهخت بۆ سێ ههیڤێن دى هاته پاشئێخستن و پشكداریكرنا سێ ژیێن نوو دێ پشكداریێ د دهنگدانێ دا كهن و دێ ژلایێ تهكنیكیڤه ژى باشتر لێهێت.
ئهندامێ فراكسیۆنا پارتى دیار ژى كر، ههتا نها دۆسهێن ئاواران نههاتینه گرتن، ههروهسا ههژمارهكا مهزن یا وهلاتیان ههتا نها كارتا بایۆمهتریا تایبهت ب دهنگدانێ ڤه وهرنهگرتییه، ژبلى وێ یهكێ ژى هێشتا چ بریارهك بۆ چاڤدێریكرنا پرۆسا ههلبژارتنان ل سهر ئاستێ ناڤدهولهتى دهرنهكرینه.
