ئەڤرۆ دەمژمێر ١١:٣٠ بەری نیڤرۆ چوار خیڤەتێن ئاوارەیێن شنگالێ ل کەمپا باج کەندالا ھاتن سۆتن و ئەگەرێ وێ ژی بۆ شۆرەتەکێ کارەبێ ھاتییە ڤەگەراندن.
خدر حەمەد ئاوارەیەکێ وێ کەمپێ یه بۆ خانی نیوز گۆت: ئەڤرۆ دوو خیڤەتێن وان ھاتینە سۆتن و زیانەکا مەزن یا مادی گەھشتییە وان.
ناڤھاتی گۆت ژی: ھەرچەندە ھژمارەکا بەلگەیێن وان یێن فەرمی ژی ھاتینە سۆتن، لێ خۆشبەختانە ھیچ زیانەکا گیانی نەبووینە.
ئاوارەیەکێ دی ب ناڤێ شەرەف دەروێش دیارکر، دەستپێکێ ئاگر بەربوویە خیڤەتێن جیرانێن وان پاشی گەھشتییە خیڤەتێن وان و زیان ب وان ژی کەفتییە.
کەمپا باجد کەندالا دکەڤیتە سنورێ دەڤەردارییا سێمێلێ و ل دەمێ ئاوارەبوونا خەلکێ شنگالێ ل سالا ٢٠١٤ ھاتییە دروستکرن.
خانی نیوز، عمار عیسا
